sa pagsulyap ko sa nakaraan

Mood: content
Music: Setwyn's Negative Things, Dreamsounds

hindi man ako naging perpekto, alam kong pinilit kong maging. kahit minsan. kahit sandali. kahit halos panakaw lamang. subalit hindi pala ganoon kadali. ginawa ko lahat ng aking makakaya. sa nakalipas na ilang buwan. pinilit kong itama ang aking mga pagkakamali. na kung tutuusin ang mga pagkakamaling iyon ay ako rin ang gumusto. ayoko ng ulitin pa ang mga iyon sa darating na taon. sa darating na taon, na alam kong puno ng paghihirap para sa akin. para sa aking damdamin at sa aking utak.

naging malungkot ako sa taong nagdaan. halos wala na itong itinirang kasiyahan para sa akin. lalo na sa aking puso. sa aking tarantadong puso. sa gago kong puso na umibig ng mga taong hindi naman karapat dapat ibigin. sa mga taong inibig ko ngunit hindi ako minahal. PUTANG-INA nila. bakit pa ako nabuhay sa isang ilusyon na sila ang aking makakapiling? sa isang ilusyon na ako lamang ang bumuo. lalo na sa isang tao na natutunan kong mahalin sa sandaling panahon. sa sandaling panahon na inakala kong minamahal niya rin pala ako. kung hindi sa kanya. kung hindi sa kanya. hindi ako magkakaganito. hindi ko mararanasan ang hindi pa dapat maranasan ng isang tulad ko. ng isang tangang tulad ko. subalit nangyari na ang nangyari. hindi na ito maaaring ibalik kahit anumang gawing pilit.

salamat at nariyan ang mga kaibigang tumulong sa sugatan kong puso. sa tuliro kong pag-iisip, sa mga oras na nag-iisa ako, sa mga oras na kailangan ko ng karamay. salamat sa inyo! kung hindi dahil sa iilang kaibigang yaon, baka matagal na akong bumitiw mula sa mahigpit na pagkakakapit sa aking paninindigan. salamat.

kung hindi nangyari ang taon na ito. hindi ko makikilala ang taong nagpapaligaya ng lubusan sa akin ngayon. sa isang tao na nagpapakita ng pagmamahal na hindi ko kailanman natagpuan kaninoman. maraming salamat sa iyo aking mahal. ikaw ang umahon sa akin sa nakakamatay na kumunoy ng kalungkutan. ikaw ang siyang naging tanglaw ko sa gabing madilim. mahal na mahal kita. hindi kita iiwan kailanman.

sa aking pamilya na kahit papaano ay tumulong ng lubusan upang matutunan ko ang kalakaran ng buhay. sila ang nagkaroon ng malaking ambag upang lumaki ang aking determinasyon upang maabot ko ang mga pangarap ko sa buhay. ang makapagtapos ngayong semestre. sana. sa susunod na taon. matutunan ng aking mga magulang na lalo pa akong mahalin. ng katulad ng pagmamahal nila sa aking kapatid.

kung naririto pa ako sa mundong ito.

ayoko ng isipin ang nakaraan. subalit ang mga karanasang iyon ang siyang unti-unting nagpatatag sa akin. sa gagong ako. upang maging sa mabuting ako.

kung matutuloy man iyon.

sa mga taong aking nakasalamuha. salamat sa maikling panahon na tayoy nagkasama. hindi ko kayo malilimutan.

at kung dumating man ang pagkakataon na lisanin ko ang mabangis na mundong ito.
dadalhin ko ang mga alaala ng nakaraan, maging sa kabilang buhay.

sa buhay na alam kong patuloy akong magiging malungkot.